Среди самых замечательных сочинений древнерусской литературы не последнее место занимает поучение, вошедшее в состав ряда летописей под 6910 (1402) г. Можно сказать, что это произведение, посвященное явлению на небе необычной звезды – хвостатой кометы, и само по своим художественным достоинствам сияет, словно звезда. Отдельные его части написаны ритмической прозой, в стиле «плетения словес», получившем широкое распространение на Руси в конце XIV – XV вв.
Данное сочинение читалось в составе свода-протографа Новгородской Карамзинской летописи (второй подборки) и Софийской первой летописи, но в последней оно было почти полностью сокращено при редактировании. «Слово о звезде» является одним из множества обширных текстов, включенных в состав русского летописания единовременно, при создании так называемого «Свода Фотия 1418 года» (он же «Новгородско-Софийский свод») (см.: Бобров А. Г. Новгородские летописи XV века. СПб.: «Дмитрий Буланин», 2001. С. 134–135, 138–140). По поводу некоторых текстов из числа дополнений, в том числе «некрологов» Михаила Тверского, Киприана и Арсения Тверского, уже давно высказывалось предположение, что это сочинения Епифания Премудрого (о стилистическом родстве этих произведений и «Слова о житии… Дмитрия Ивановича» см.: Антонова М. Ф. «Слово о житии и о преставлении великого князя Дмитрия Ивановича, царя Русьскаго»: (Вопросы атрибуции и жанра) // Труды Отдела древнерусской литературы. Л., 1974. Т. 28. С. 147—150. См. также: Прохоров Г. М. Епифаний Премудрый // Словарь книжников и книжности Древней Руси. Л., 1988. Вып. 2 (вторая половина XIV— XVI в.). Ч. 1: А— К. С. 217)
Написанное большим мастером, писателем из круга Епифания Премудрого, Андрея Рублева и митрополита Фотия, «Слово о звезде» почти полностью лишено исторических реалий, поскольку обращено к читателям «во все времена». Явление на небе необычной кометы побуждает автора с огромной силой выступить с напоминанием о вечных ценностях, о сути христианства – любви к ближнему, против распрей и междоусобиц. Актуальность «Слова о звезде» в наши дни, когда вновь на небе явилась необычная комета, очевидна для всех внимательных и заинтересованных читателей.
Текст «Слова о звезде» приводится по списку Новгородской Карамзинской летописи (вторая подборка) конца XV в.: РНБ. ОСРК, F.IV.603, л. 409 об.–411 (изд.: Полное собрание русских летописей. СПб.: «Дмитрий Буланин», 2002. Т. 42: Новгородская Карамзинская летопись / Ред. тома Я. С. Лурье; Текст подготовлен А. Г. Бобровым, З. В. Дмитриевой. С. 168-169).
«В лѣто 6910 [1402].
В Великое говѣние месяца марта являшеся нѣкое знамение на небесѣ: в вечернюю зарю на западѣ звѣзда немала, аки копеиным образомъ, верху же еа акы лучь сиаше, иже на встоцѣ всходящи и на западѣ летнем являющеся, юже видѣхомь всь тои месяць тако въсходящи и сиающи.
Се же является грѣх ради нашихъ, прообразуеть, и претить, и велить намъ покаатися от грѣх наших. Убо смѣю рещи, сбываеться слово евангельское, якоже самъ Спасъ въ Евангелии рече: «В послѣдняа дни будут знамениа велика на небеси, в солнци, и в лунѣ, и въ звѣздах. Услышати же имате слух ратеи и нестроениа, и слышаниа бранемъ. Встанет бо языкъ на языкъ, и страна на страну, и царство на царство, и будут гладове, и мятежи, и пагубы, и труси велици по мѣстом, и страхованиа в мори, все же се начало болѣзнемь. Предасть же брат брата на смерть, и отець чадо, и въстанут чада на родителя своя, и убиють я, и друг друга предасть, и възненавидит, и прелстит, и за умножение безаконии изсякнеть любы многых. Будеть бо тогда печаль велика и скорбь человекомь, и туга языкомъ, и гнѣвь на людехъ, и страх повсюду».
Да еже в Евангелии Спасъ нашь преже глаголаше, то нынѣ в послѣднее время все збывается, а реченаа знамениа с небесе, в солнцѣ, и в лунѣ, и въ звѣздахъ являются. А еже рече: «Встанет язык на языкь, царство на царство», – се бо всташа языци воеватися, ратующеся: ово татарове, ово же туркове, инде же фрязове, а инде ляхове, а онамо нѣмци, а овамо глаголемаа литва.
Что ли поминаю татаръ и турков, и прочая языкы невѣрныа и некрещеныа? Но и мы сами,
рекомыа христиане, правовѣрнии суще и православни, сътворяем межи събою брани и рати, и кровопролития, яже суть межи нами усобици.
Случает бо ся сице: встает ратью правовѣрныи князь на правовѣрнаго князя, и тъи же на брата своего, или на дядю, и бывает промежи ими вражда и непокорение, гнѣвь же и ярость, конечнее же рать и брань, сѣча бо и кровопролитье, еже есть межиусобица. Промежи ими бывают воини, а обои суще правовѣрнии христиане.
И сюду, и овоюду, овии по своимь княземь ретують, желающе не токмо дръзнути, но и умрети за своего князя, а друзии с другую страну, тако же православнии суще воини, зѣло побарающе за своего князя, и волею, и неволею стоят, хотяще и дръзающе главы своя положити за нь. И егда на соимѣ, тогда в то время обои бьются нещадно и сѣкутся без милости.
И ту прочее жалостно видѣти,
И позоръ плача достоинъ:
Подоимет бо руку хрестьянинъ на христианина,
И въздвигнеть оружие свое друг на друга,
Скует же копие свое брат на брата,
И поострить мечь свои любовник на любовника,
И стрѣлами своими състрѣляет ближнии ближняго,
И сулицею прободаеть сродникъ сродника,
И племенник своего племенника низлагает,
И правовѣрныи единовѣрнаго посѣкаеть,
И юноша старця сѣдинъ многолѣтных не усрамляется,
И рабъ Божии раба Божиа не пощадить.
Да где есть любовь съвръшеная, юже Христос въ Евангелии предасть намь, глаголя: «Заповѣдь нову даю вамь, да любите друг друга». И пакы: «Болше сея любве никто же имать, да кто положит душу свою за ближняго». Мы же [не] токмо не полагаем душя своеа за ближняго, но и з ближняго извлачим ю, хотящи изяти ю оружиемь заколениа.
Тако ти есть межиусобная рать, от нея же дабы избавил ны Господь Богъ нашь, яко вси есмы в бѣдах, и яко посреди сѣти мимо ходимъ. Да вси вкупѣ помолимся Богу, глаголюще: «Молитвами, Господи, всѣх святых Твоих, и молитвъ ради святыя Богородица, подаи же, Господи, правовѣрнымь княземь нашимь
Мирно же княжение,
И тихо,
И красно,
И немятежно,
И независтно,
И незарочно,
И нераздорно,
[И] нерасколно,
И неразвратно,
И бескрамолно!
Да и мы в тишинѣ их тихо и безмлъвно житие поживемь, въ всякомь благовѣрии и чистотѣ, да и прочее лѣто живота нашего в мирѣ и в покаании скончати у Господа просим».
И понеже время послѣднее приходит, и скращено есть уже, и конець житию приближается, и знаменииа же въ звѣздах являются. И се звѣзда, юже видехомъ нынѣ, необычныа и незнаемыа звѣзды, о неи же нынѣ пишемъ и глаголемъ, продлъжающе слово. Но абие препокоимъ бесѣду и скратимъ рѣчь, и дадим величие Богу нашему, Ему же слава».
Комета 3I/Atlas
Фото предоставлено автором публикации